ອານິສົງສ໌ ໔ ປະກາຣ ຂອງທັມທັງຫລາຍທີ່ບຸຄຄົລຟັງເນື່ອງໆ

The Buddha's words

ອັງຄຸຕຕະຣະນິກາຍ ຈະຕຸກກະນິບາຕ ໒໑/໑໗໘/໑໙໑

ພິກຂຸທັງຫລາຍ ອານິສົງສ໌ ໔ ປະກາຣຂອງທັມທັງຫລາຍທີ່ບຸຄຄົລຟັງເນື່ອງໆ ຄ່ອງປາກ ຂຶ້ນໃຈ ແທງຕລອດດ້ວຍດີດ້ວຍທິຕຖິຍ່ອມຫວັງໄດ້; ອານິສົງສ໌ ໔ ປະກາຣເປັນຢ່າງໃດ?

ພິກຂຸທັງຫລາຍ ພິກຂຸໃນທັມວິນັຍນີ້ ຍ່ອມເລົ່າຮຽນທັມຄື ສຸຕຕະ ເຄີຍຍະ ໄວຍາກາຣະນະ ຄາຖາ ອຸທານ ອິຕິວຸຕຕະກະ ຊາຕະກະ ອັພພູຕະທັມ ເວທັລລະ ທັມເຫລົ່ານັ້ນເປັນທັມທີ່ພິກຂຸນັ້ນຟັງເນື່ອງໆ ຄ່ອງປາກ ຂຶ້ນໃຈ ແທງຕລອດດ້ວຍດີດ້ວຍທິຕຖິ ເຂົາມີສະຕິຫລົງລືມເມື່ອທຳກາລະ ຍ່ອມເຂົ້າເຖິງເທພນິກາຍໝູ່ໃດໝູ່ໜຶ່ງ ບົທແຫ່ງທັມທັງຫລາຍຍ່ອມປາກົຕແກ່ເຂົາຜູ້ມີຄວາມສຸຂໃນພົພນັ້ນ ສະຕິບັງເກີດຂຶ້ນຊ້າ ແຕ່ສັຕນັ້ນຍ່ອມບັນລຸຄຸນວິເສສໄດ້ຢ່າງວ່ອງໄວ. ພິກຂຸທັງຫລາຍ ນີ້ເປັນອານິສົງສ໌ ປະກາຣທີ ໑ ຂອງທັມທັງຫລາຍທີ່ບຸຄຄົລຟັງເນື່ອງໆ ຄ່ອງປາກ ຂຶ້ນໃຈ ແທງຕລອດດ້ວຍດີດ້ວຍທິຕຖິອັນບຸຄຄົລຍ່ອມຫວັງໄດ້.

ພິກຂຸທັງຫລາຍ ອີກປະກາຣໜຶ່ງ ພິກຂຸຍ່ອມເລົ່າຮຽນທັມຄື ສຸຕຕະ ເຄີຍຍະ ໄວຍາກາຣະນະ ຄາຖາ ອຸທານ ອິຕິວຸຕຕະກະ ຊາຕະກະ ອັພພູຕະທັມ ເວທັລລະ ທັມເຫລົ່ານັ້ນເປັນທັມທີ່ພິກຂຸນັ້ນຟັງເນື່ອງໆ ຄ່ອງປາກ ຂຶ້ນໃຈ ແທງຕລອດດ້ວຍດີດ້ວຍທິຕຖິ ເຂົາມີສະຕິຫລົງລືມເມື່ອທຳກາລະ ຍ່ອມເຂົ້າເຖິງເທພນິກາຍໝູ່ໃດໝູ່ໜຶ່ງ ບົທແຫ່ງທັມທັງຫລາຍຍ່ອມບໍ່ປາກົຕແກ່ເຂົາຜູ້ມີຄວາມສຸຂໃນພົພນັ້ນເລີຍ ແຕ່ພິກຂຸຜູ້ມີລິທ ເຖິງຄວາມຊຳນານທາງຈິຕ ໄປສະແດງທັມແກ່ເທພບໍຣິສັທ ເຂົາມີຄວາມຄິດຢ່າງນີ້ວ່າ ໃນກາລກ່ອນເຮົາໄດ້ປະພຶດພຣົມມະຈັນຍ໌ໃນທັມວິນັຍໃດ ນີ້ຄືທັມວິນັຍນັ້ນ ສະຕິບັງເກີດຂຶ້ນຊ້າ ແຕ່ສັຕນັ້ນຍ່ອມບັນລຸຄຸນວິເສສໄດ້ຢ່າງວ່ອງໄວ.

ພິກຂຸທັງຫລາຍ ບຸຣຸສຜູ້ສະຫລາດຕໍ່ສຽງກອງ ເຂົາເດີນທາງໄກ ໄດ້ຍິນສຽງກອງ ເຂົາຍ່ອມບໍ່ມີຄວາມສົງໄສ ຫລືເຄືອບແຄງໃຈວ່າ ສຽງກອງຫລືບໍ່ໜໍ ທີ່ແທ້ເຂົາຍ່ອມເຖິງຄວາມຕົກລົງໃຈວ່າ ນີ້ສຽງກອງ ສັນໃດ; ພິກຂຸກໍສັນນັ້ນເໝືອນກັນ ຍ່ອມເລົ່າຮຽນທັມຄື ສຸຕຕະ ເຄີຍຍະ ໄວຍາກາຣະນະ ຄາຖາ ອຸທານ ອິຕິວຸຕຕະກະ ຊາຕະກະ ອັພພູຕະທັມ ເວທັລລະ ທັມເຫລົ່ານັ້ນເປັນທັມທີ່ພິກຂຸນັ້ນຟັງເນື່ອງໆ ຄ່ອງປາກ ຂຶ້ນໃຈ ແທງຕລອດດ້ວຍດີດ້ວຍທິຕຖິ ເຂົາມີສະຕິຫລົງລືມເມື່ອທຳກາລະ ຍ່ອມເຂົ້າເຖິງເທພນິກາຍໝູ່ໃດໝູ່ໜຶ່ງ ບົທແຫ່ງທັມທັງຫລາຍຍ່ອມບໍ່ປາກົຕແກ່ເຂົາຜູ້ມີຄວາມສຸຂໃນພົພນັ້ນເລີຍ ແຕ່ພິກຂຸຜູ້ມີລິທ ເຖິງຄວາມຊຳນານທາງຈິຕ ໄປສະແດງທັມແກ່ເທພບໍຣິສັທ ເຂົາມີຄວາມຄິດຢ່າງນີ້ວ່າ ໃນກາລກ່ອນເຮົາໄດ້ປະພຶດພຣົມມະຈັນຍ໌ໃນທັມວິນັຍໃດ ນີ້ຄືທັມວິນັຍນັ້ນ ສະຕິບັງເກີດຂຶ້ນຊ້າ ແຕ່ສັຕນັ້ນຍ່ອມບັນລຸຄຸນວິເສສໄດ້ຢ່າງວ່ອງໄວ. ພິກຂຸທັງຫລາຍ ນີ້ເປັນອານິສົງສ໌ ປະກາຣທີ ໒ ຂອງທັມທັງຫລາຍທີ່ບຸຄຄົລຟັງເນື່ອງໆ ຄ່ອງປາກ ຂຶ້ນໃຈ ແທງຕລອດດ້ວຍດີດ້ວຍທິຕຖິອັນບຸຄຄົລຍ່ອມຫວັງໄດ້.

ພິກຂຸທັງຫລາຍ ອີກປະກາຣໜຶ່ງ ພິກຂຸຍ່ອມເລົ່າຮຽນທັມຄື ສຸຕຕະ ເຄີຍຍະ ໄວຍາກາຣະນະ ຄາຖາ ອຸທານ ອິຕິວຸຕຕະກະ ຊາຕະກະ ອັພພູຕະທັມ ເວທັລລະ ທັມເຫລົ່ານັ້ນເປັນທັມທີ່ພິກຂຸນັ້ນຟັງເນື່ອງໆ ຄ່ອງປາກ ຂຶ້ນໃຈ ແທງຕລອດດ້ວຍດີດ້ວຍທິຕຖິ ເຂົາມີສະຕິຫລົງລືມເມື່ອທຳກາລະ ຍ່ອມເຂົ້າເຖິງເທພນິກາຍໝູ່ໃດໝູ່ໜຶ່ງ ບົທແຫ່ງທັມທັງຫລາຍຍ່ອມບໍ່ປາກົຕແກ່ເຂົາຜູ້ມີຄວາມສຸຂໃນພົພນັ້ນເລີຍ ແລະພິກຂຸຜູ້ມີລິທ ເຖິງຄວາມຊຳນານທາງຈິຕ ກໍບໍ່ໄດ້ສະແດງທັມແກ່ເທພບໍຣິສັທເລີຍ ແຕ່ເທພບຸຕຍ່ອມສະແດງທັມໃນເທພບໍຣິສັທ ເຂົາມີຄວາມຄິດຢ່າງນີ້ວ່າ ໃນກາລກ່ອນເຮົາໄດ້ປະພຶດພຣົມມະຈັນຍ໌ໃນທັມວິນັຍໃດ ນີ້ຄືທັມວິນັຍນັ້ນ ສະຕິບັງເກີດຂຶ້ນຊ້າ ແຕ່ສັຕນັ້ນຍ່ອມບັນລຸຄຸນວິເສສໄດ້ຢ່າງວ່ອງໄວ.

ພິກຂຸທັງຫລາຍ ບຸຣຸສຜູ້ສະຫລາດຕໍ່ສຽງສັງຂ໌ ເຂົາເດີນທາງໄກ ໄດ້ຍິນສຽງສັງຂ໌ ເຂົາຍ່ອມບໍ່ມີຄວາມສົງໄສ ຫລືເຄືອບແຄງໃຈວ່າ ສຽງສັງຂ໌ຫລືບໍ່ໜໍ ທີ່ແທ້ເຂົາຍ່ອມເຖິງຄວາມຕົກລົງໃຈວ່າ ນີ້ສຽງສັງຂ໌ ສັນໃດ; ພິກຂຸກໍສັນນັ້ນເໝືອນກັນ ຍ່ອມເລົ່າຮຽນທັມຄື ສຸຕຕະ ເຄີຍຍະ ໄວຍາກາຣະນະ ຄາຖາ ອຸທານ ອິຕິວຸຕຕະກະ ຊາຕະກະ ອັພພູຕະທັມ ເວທັລລະ ທັມເຫລົ່ານັ້ນເປັນທັມທີ່ພິກຂຸນັ້ນຟັງເນື່ອງໆ ຄ່ອງປາກ ຂຶ້ນໃຈ ແທງຕລອດດ້ວຍດີດ້ວຍທິຕຖິ ເຂົາມີສະຕິຫລົງລືມເມື່ອທຳກາລະ ຍ່ອມເຂົ້າເຖິງເທພນິກາຍໝູ່ໃດໝູ່ໜຶ່ງ ບົທແຫ່ງທັມທັງຫລາຍຍ່ອມບໍ່ປາກົຕແກ່ເຂົາຜູ້ມີຄວາມສຸຂໃນພົພນັ້ນເລີຍ ແລະພິກຂຸຜູ້ມີລິທ ເຖິງຄວາມຊຳນານທາງຈິຕ ກໍບໍ່ໄດ້ສະແດງທັມແກ່ເທພບໍຣິສັທເລີຍ ແຕ່ເທພບຸຕຍ່ອມສະແດງທັມໃນເທພບໍຣິສັທ ເຂົາມີຄວາມຄິດຢ່າງນີ້ວ່າ ໃນກາລກ່ອນເຮົາໄດ້ປະພຶດພຣົມມະຈັນຍ໌ໃນທັມວິນັຍໃດ ນີ້ຄືທັມວິນັຍນັ້ນ ສະຕິບັງເກີດຂຶ້ນຊ້າ ແຕ່ສັຕນັ້ນຍ່ອມບັນລຸຄຸນວິເສສໄດ້ຢ່າງວ່ອງໄວ. ພິກຂຸທັງຫລາຍ ນີ້ເປັນອານິສົງສ໌ ປະກາຣທີ ໓ ຂອງທັມທັງຫລາຍທີ່ບຸຄຄົລຟັງເນື່ອງໆ ຄ່ອງປາກ ຂຶ້ນໃຈ ແທງຕລອດດ້ວຍດີດ້ວຍທິຕຖິອັນບຸຄຄົລຍ່ອມຫວັງໄດ້.

ພິກຂຸທັງຫລາຍ ອີກປະກາຣໜຶ່ງ ພິກຂຸຍ່ອມເລົ່າຮຽນທັມຄື ສຸຕຕະ ເຄີຍຍະ ໄວຍາກາຣະນະ ຄາຖາ ອຸທານ ອິຕິວຸຕຕະກະ ຊາຕະກະ ອັພພູຕະທັມ ເວທັລລະ ທັມເຫລົ່ານັ້ນເປັນທັມທີ່ພິກຂຸນັ້ນຟັງເນື່ອງໆ ຄ່ອງປາກ ຂຶ້ນໃຈ ແທງຕລອດດ້ວຍດີດ້ວຍທິຕຖິ ເຂົາມີສະຕິຫລົງລືມເມື່ອທຳກາລະ ຍ່ອມເຂົ້າເຖິງເທພນິກາຍໝູ່ໃດໝູ່ໜຶ່ງ ບົທແຫ່ງທັມທັງຫລາຍຍ່ອມບໍ່ປາກົຕແກ່ເຂົາຜູ້ມີຄວາມສຸຂໃນພົພນັ້ນເລີຍ ພິກຂຸຜູ້ມີລິທ ເຖິງຄວາມຊຳນານທາງຈິຕ ກໍບໍ່ໄດ້ສະແດງທັມແກ່ເທພບໍຣິສັທເລີຍ ແມ່ນແຕ່ເທພບຸຕກໍບໍ່ໄດ້ສະແດງທັມໃນເທພບໍຣິສັທ ແຕ່ເທພບຸຕຜູ້ເກີດກ່ອນມາເຕືອນເທພບຸຕຜູ້ເກີດທີ່ຫລັງວ່າ ທ່ານຜູ້ນິຣະທຸກຂ໌ ຣະນຶກໄດ້ຫລືບໍ່ວ່າ ເຮົາໄດ້ປະພຶດພຣົມມະຈັນຍ໌ໃນກາລກ່ອນ ເຂົາກໍກ່າວຢ່າງນີ້ວ່າ ທ່ານຜູ້ນິຣະທຸກຂ໌ ເຮົາຣະນຶກໄດ້ ເຮົາຣະນຶກໄດ້ ສັນໃດ; ສະຕິບັງເກີດຂຶ້ນຊ້າ ແຕ່ສັຕນັ້ນຍ່ອມບັນລຸຄຸນວິເສສໄດ້ຢ່າງວ່ອງໄວ.

ພິກຂຸທັງຫລາຍ ສະຫາຍ ໒ ຄົນຫລິ້ນຝຸ່ນດ້ວຍກັນ ເຂົາມາພົບກັນບາງຄັ້ງບາງຄາວໃນທີ່ບາງແຫ່ງ ສະຫາຍຄົນໜຶ່ງໄດ້ກ່າວກັບສະຫາຍຄົນນັ້ນຢ່າງນີ້ວ່າ ສະຫາຍ ທ່ານຣະນຶກເຖິງການກະທຳນີ້ໄດ້ຫລືໜໍ ເຂົາກໍກ່າວຢ່າງນີ້ວ່າ ເຮົາຣະນຶກໄດ້ ເຮົາຣະນຶກໄດ້ ສັນໃດ; ພິກຂຸກໍສັນນັ້ນເໝືອນກັນ ຍ່ອມເລົ່າຮຽນທັມຄື ສຸຕຕະ ເຄີຍຍະ ໄວຍາກາຣະນະ ຄາຖາ ອຸທານ ອິຕິວຸຕຕະກະ ຊາຕະກະ ອັພພູຕະທັມ ເວທັລລະ ທັມເຫລົ່ານັ້ນເປັນທັມທີ່ພິກຂຸນັ້ນຟັງເນື່ອງໆ ຄ່ອງປາກ ຂຶ້ນໃຈ ແທງຕລອດດ້ວຍດີດ້ວຍທິຕຖິ ເຂົາມີສະຕິຫລົງລືມເມື່ອທຳກາລະ ຍ່ອມເຂົ້າເຖິງເທພນິກາຍໝູ່ໃດໝູ່ໜຶ່ງ ບົທແຫ່ງທັມທັງຫລາຍຍ່ອມບໍ່ປາກົຕແກ່ເຂົາຜູ້ມີຄວາມສຸຂໃນພົພນັ້ນເລີຍ ພິກຂຸຜູ້ມີລິທ ເຖິງຄວາມຊຳນານທາງຈິຕ ກໍບໍ່ໄດ້ສະແດງທັມແກ່ເທພບໍຣິສັທເລີຍ ແມ່ນແຕ່ເທພບຸຕກໍບໍ່ໄດ້ສະແດງທັມໃນເທພບໍຣິສັທ ແຕ່ເທພບຸຕຜູ້ເກີດກ່ອນມາເຕືອນເທພບຸຕຜູ້ເກີດທີ່ຫລັງວ່າ ທ່ານຜູ້ນິຣະທຸກຂ໌ ຣະນຶກໄດ້ຫລືບໍ່ວ່າ ເຮົາໄດ້ປະພຶດພຣົມມະຈັນຍ໌ໃນກາລກ່ອນ ເຂົາກໍກ່າວຢ່າງນີ້ວ່າ ທ່ານຜູ້ນິຣະທຸກຂ໌ ເຮົາຣະນຶກໄດ້ ເຮົາຣະນຶກໄດ້ ສັນໃດ; ສະຕິບັງເກີດຂຶ້ນຊ້າ ແຕ່ສັຕນັ້ນຍ່ອມບັນລຸຄຸນວິເສສໄດ້ຢ່າງວ່ອງໄວ. ພິກຂຸທັງຫລາຍ ນີ້ເປັນອານິສົງສ໌ ປະກາຣທີ ໔ ຂອງທັມທັງຫລາຍທີ່ບຸຄຄົລຟັງເນື່ອງໆ ຄ່ອງປາກ ຂຶ້ນໃຈ ແທງຕລອດດ້ວຍດີດ້ວຍທິຕຖິອັນບຸຄຄົລຍ່ອມຫວັງໄດ້.

ພິກຂຸທັງຫລາຍ ອານິສົງສ໌ ໔ ປະກາຣນີ້ແລ ຂອງທັມທັງຫລາຍທີ່ບຸຄຄົລຟັງເນື່ອງໆ ຄ່ອງປາກ ຂຶ້ນໃຈ ແທງຕລອດດ້ວຍດີດ້ວຍທິຕຖິຍ່ອມຫວັງໄດ້.