ເອຕະທັຄຄະຝ່າຍອຸປາສິກາສາວິກາຂອງພຣະຜູ້ມີພຣະພາຄ

The Buddha's words

ອັງຄຸຕຕຣະນິກາຍ ເອກະ-ທຸກ-ຕິກະນິບາຕ ໒໐/໒໗/໑໕໒

ພິກຂຸທັງຫລາຍ! ນາງສຸຊາດາ ທິດາຂອງເສນານີກຸດຸມພີ ເລີດກວ່າພວກອຸປາສິກາສາວິກາຂອງເຮົາຜູ້ເຖິງສະຣະນະກ່ອນ.

ນາງວິສາຂາມິຄາຣະມາຣດາ ເລີດກວ່າພວກອຸປາສິກາສາວິກາຂອງເຮົາຜູ້ຖວາຍທານ.

ນາງຂຸຊຊຸຕຕຣາ ເລີດກວ່າພວກອຸປາສິກາສາວິກາຂອງເຮົາຜູ້ເປັນພະຫຸສູຕ.

ນາງສາມາວະດີ ເລີດກວ່າພວກອຸປາສິກາສາວິກາຂອງເຮົາຜູ້ມີປົກກະຕິຢູ່ດ້ວຍເມຕຕາ.

ນາງອຸຕຕຣານັນທະມາຣດາ ເລີດກວ່າພວກອຸປາສິກາສາວິກາຂອງເຮົາຜູ້ຍິນດີໃນຊານ.

ນາງສຸປປະວາສາໂກລິຍະທິດາ ເລີດກວ່າພວກອຸປາສິກາສາວິກາຂອງເຮົາຜູ້ຖວາຍຣົສອັນປະນີຕ.

ນາງສຸປປິຍາອຸປາສິກາ ເລີດກວ່າພວກອຸປາສິກາສາວິກາຂອງເຮົາຜູ້ເປັນຄິລານຸປັຕຖາກ.

ນາງກາຕິຍານີ ເລີດກວ່າພວກອຸປາສິກາສາວິກາຂອງເຮົາຜູ້ເຫລື້ອມໃສຢ່າງແໜ້ນແຟ້ນ.

ນາງກຸລະມາຕາຄະຫະປະຕານີ ເລີດກວ່າພວກອຸປາສິກາສາວິກາຂອງເຮົາຜູ້ຄຸ້ນເຄີຍ.

ນາງກາລີອຸປາສິກາຊາວກຸຣຣະຄະຣິກາ ເລີດກວ່າພວກອຸປາສິກາສາວິກາຂອງເຮົາຜູ້ເຫລື້ອມໃສໂດຍໄດ້ຍິນໄດ້ຟັງຕາມ.